Hpungtang hpaji ginra景颇科普

NINGTUK RAI LUSHA AI A JAHTEN SHAZA LAM

毒品的危害

时间:2018-01-02 16:37:14 来源:德宏团结报

  1. Ningtuk rai lu sha yang madu a hkum hkrang myit masin jahten shaza ya ai lam

  (1) Ningtuk rai lu sha yang masha hkumhkrang hpe na-du ai hku jahten hkra nga ai

  Ningtuk rai lu sha yang, masha hkum na hkrang shagu ni hta ana byin wa, ana htang ngun yom wa rai nna, myu magup ana hkron kap wa ai hta n-ga, sak sumri mung chye sum mat nga ai.

  (2) Ningtuk rai lu sha yang hkumhkrang manu mana machyi jamjau hkrum sha chye ai

  Mayu e mu ai jamjau go ningtuk ayin bu wa ai rai sai. Ka-ni hpro don ai shaloi grau nga yak nga ai. Ningnan do hta go hkumbai gahte, myiprui si lui, gahkam salat pru rai wa chye nga ai, na-du ai ni go lago lata gying wa, gari ashun, grau bai na-du ai ni go, si malap mat wa shing n rai si mat rai nga ai.

  (3) Ningtuk rai lu sha yang masha hkumhkrang dat lam ni hten run mat wa chye ai

  Ningtuk rai gayau lu sha, shing n rai ningtuk rai lu sha ai hpang tsa chyaru lu jang ning re ana ok wa loi ai hta lai nna, ningtuk rai lo malo go masha hkumhkrang na dat lam hkrang hpe jahten shaza kau ya lu nga ai. Ningtuk rai lu sha masha aten na na ningtuk rai lu sha yang, ningtuk nang sai hten ana lu wa nna, myit laban chye myit shapro, masha hpe htim wa re ana ni byin pru wa chye nga ai

  (4) Ningtuk rai lu sha yang akyang asat hten, shinggyim myit n rong mat wa ai

  Ningtuk rai lu sha ayi lu mat sai masha ni, htinghkyeng myit myit, madu hpe nambat langai ton mat, masha wa hpe n chye myit tsang mat, pyo lam chyu myit, mu bungli n kam galo, masu mago na myit, lit hkam myit n rong mat, gaya gahpa n chye, jinghku hte manang ni hpe n ra mat, ningtuk rai hte ja gumhkpro hpe chyu sha myit marit rai nga ai. Dai hte rau, ningtuk rai lu sha ai masha ni lo malo go, ningtuk rai lu sha ai go gaya gahpa mu re hpe chye nna, myit pu myit yak, madu hkrai madu hpe pot shara la rai nna, madu a hkum hpe ganing rai yang rai nga myit do, gaja lam n hkom mat, hkrit gamyin ntsen, grau nna madu hkrai sat si mat, masha wa hpe sat rai chye nga ai. Dai majo, ningtuk rai lu sha ai masha ni ningtuk garai n lu ai shong e gade gaja sut su ai rai tim, ningtuk rai lu sha ai hpang go hkrat sum mat wa, matut nna go jong lu lu, bungli gata, matsan hte ana gayau gaya, htom hpang de na myit mada lam hpa n nga mat sai. (Gale ai: Ma Bok Htu Lung)