Hpungtang hpaji ginra景颇科普

NINGTUK RAI LU SHA WA AI NPOT NHPANG

毒品的危害

时间:2018-01-02 16:23:54 来源:德宏团结报

  3. Hpong shingra hta hkan nna ningtuk rai lu sha wa ai npot nhpang

  (1) Lawan sut su wa lawan ai majo, masha ni a sut rai lu madang mung tso wa sai, myit jasat lam mung lai wa ai. Dai hta, mungkan ningtuk rai hpaga chyam wa ai majo, shara magup ningtuk rai hkrai chyam mat wa sai. Shingrai nna, anhte a ngui pyo ai hpong shingra hta n gaja ai ningtuk zinli jashon dat ya sai.

  (2) N htaphtuk ai pyo chyai shara e nang hkra.

  Jep ai hta chye lu ai, ningtuk rai lu sha ai masha lo malo ni go n htaphtuk ai pyo chyai shara hta nambat langai lang ningtuk rai lu sha chyam ai rai ma ai. Ning re shara ni hta hkrup mara re masha ni sa zup ai majo, n htaphtuk ai ronlai pru shadang tso nga ai, ningtuk rai lagu dut sha ai masha ni go ning re shara hta ningtuk rai dut sha hkom hkom rai ma ai.

  (3) Mare lok ko nna nang hkra.

  Masha ni mare lok langai hta jom nga shanu nga jang, nga pra ladat, ronlai re ni shadada jom sharin shakap la hkat chye nga ai. Mare lok hta ningtuk rai lu sha ai mu byin pru ai shaloi, la-ma gonhkang ndu jang, shada da chyinghkyik hkra hkat wa chye nga ai.

  (4) Ningtuk rai dut masha ni e nang hkra.

  Ningtuk rai hte ningtuk rai hpe dut shamong ai go, ningtuk rai lu sha ai masha lo wa ai npot nhpang madung langai re. Maga mi, ningtuk rai dut masha ni ja gumhpro hpe chyu sha nga, galoi mung bo shagu ladat lang nna ningtuk rai dut shabra na matu, jahkrit shagui, masu hkalem, adup agyin di nna du hkra ramma ni hpe ningtuk rai mari lu sha shangun nhtom, tinang a ningtuk rai hpaga lam hpo gaba la nga ma ai. Mara rong masha ndai ni go, shinggyim myit n myit ai, shanhte a nta masha ni hpe du hkra n ton ma ai. Bai maga mi go, ningtuk rai lu shakap sai masha ni ayin bu wa jang, hkrup mara ladat hku nna ningtuk rai tam lu sha hkom wa chye ma ai. Ningtuk rai dut masha ni nga ai go, ningtuk rai lu masha ni nambat langai lang lu chyam yu ai kahpang langai re hta n-ga, ningtuk rai don masha ni bai gahtap lu ai kahpang langai no rai nga ai.

  (5) Manang ganon shut, masu hkalem hkrum nna ningtuk rai lu sha ai.

  Ningtuk rai lu sha masha ni lo malo go, nambat langai lang ningtuk rai lu sha chyam ai hte bai gahtap lu sha ai go, n gaja ai masha hte ganon hkrup nna byin ai re. Mahtang, ningtuk rai go ya yang na hpong shingra hta nga jang, dan pra ai hku dut sha ai bo gat rai n re majo, ningtuk rai dut masha ni, shing n rai ningtuk rai lu sha masha ni hte n ganon hkrup jang go, ningtuk rai hte hkra hkat na matu grai yak nga ai. (Gale ai: Ma Bok Htu Lung)