Hpungtang hpaji ginra景颇科普

NINGTUK RAI LU SHA WA AI NPOT NHPANG

多的危害

时间:2017-12-22 10:16:08 来源:德宏团结报

  2. Dinghku hta hkan nna ningtuk rai lu sha wa ai npot nhpang

  Nta dinghku go ma gasha ni hpe galu gaba wa shangun, hpaji sharin shapan ya, hkum gong hte myit jasat hkamja ai hte galu gaba chyechyang wa shangun ai shara gaja rai nga ai. Nta dinghku go myit ru myit yak ai shaloi na myit masin simsa shara, masha gaba ni pu ba ai shaloi hkring sa la ai shara re. Ningtuk rai lu sha wa ai npot nhpang go lo lo nga ma ai. Raitim, ningtuk rai lu sha ai masha hkum shagu, grau nna go ningtuk rai lu sha ai ma ram ni, shanhte a nta dinghku hte grai seng hkat nga ai:

  (1) Dinghku hka nna gasha ni ningtuk rai lu sha ai

  Nguipyo dinghku go ramma ni myit hkam gaja ai hte gaba wa ai shara re. Ganu gawa hka hkat mat, shing nrai nta masha ni nong e ga-li ga-lo rai yang, ma gasha ni a kro wang myit hpe jahten shaza ya chye nga ai. Ma gasha ni a myit ra lam hpe nta dinghku ko nna n lu shatup ya jang, shinggan de sa chye tam la nga ai. Shinggan de na mungkan go grai shuk shak ai re majo, nga pra hkum hkrum machyim garai n lu ai ma gasha ni go, n gaja ai hkalau hkrum jang n gaja ai lam de yong mat wa chye nga ma ai.

  (2) Ganu gawa ni myit tsang makop ndu ai majo gasha ni ningtuk rai lu sha ai

  Ganu gawa ni a lit go gasha ni hpe lu sha lam, bu hpun lam, nga machyu na nta re nga pra hkinjang galo ya ra ai sha nrai, shanhte a myit masin hte hkumhkrang jahten shaza hkra na hpe htang na matu, ganu gawa ni ma gasha ni a myit masin galu gaba, mano manang hte ganon mazum na lam ni mung no hkan myit tsang ya ra nga ai.

  (3)Dinghku sharin shaga nhtuk nna gasha ni ningtuk rai lu sha ai

  Shingna hte ma hpe sharin shaga sha ai go anhte mungdan moi na htung hta sharin sha ai ladat langai rai nga ai. Ning re myit jasat rong ai majo, ganu gawa nkau go ma hpe kam mara gayat nna sharin sha nga ma ai. Ramma prat na ma ni go, tinang a sari makop myit hte madu rai dum myit grai gaba ai majo ninghkap myit rong loi nga ai. Dai rai, ninghkap, lale, dinghku tara nhkan ai hku nna sari makop la chye ma ai. Ningtuk lu chyam ai alai go, shanhte ganu gawa ni hpe matai htang ai ladat langai rai chye ai. Ganu gawa hte ma ni madu myit shut dum ai shaloi go, myit malai hpang hkrat mat sai rai.

  (4) Nta masha a n jo ai alai hta nang ai majo ningtuk rai lu sha ai

  Nta dinghku langai ko ningtuk rai lu sha ai masha langai nga jang, ja gumhpro nlu mat, dinghku bya mat rai wa, shaloi nta masha ni masin pot nna ningtuk rai hkan lu sha nang chye ai.