Hpungtang hpaji ginra景颇科普

Shanzin hpan wa yo shapro ladat

养猪出售好肉方法

时间:2017-12-14 17:36:21 来源:德宏团结报

  Prat lak 21 ning shang wa ai ko nna anhte mungdan na malu masha ni mung grai laklai shai mat wa sai, raitim wa-shan go grau ahkyak madung ai shan rai langai mi no rai nga ai, mung masha ni a nga sat nga sa madang tso jat wa magang, shan mung grau gaja ai shanzin she lo mari sha ma ai majo, gatya hta shanzin hpan wa grau lu dut sha nga ai. Ya ndai ko go wa nli gaja jahpre ladat hte shazin hpan wa yo shapro ladat shachyen dan na

  Wa nli shong lata la nna nli gaja jahpre la na lam. Nli jahpre la ai go amyat grau jat lawan na ahkyak ladat rai nga ai. Anhte mungdan na wa yo ai ni tsomra ning chyam dinglik lai wa yu ai hpang, anhte mungdan jut shara magup hta mai yo ai wa nli gaja jahpre la na ladat dinglik shapro ton lu masai, dai hpe gadai mung gadai a ginra masa hta hkan nna mai lata yo nga ai. Wa yo ai ni ja gumhpro grau lu tam jat la na matu, wa nli gaja shong jahpre la ra nga ai, wa nli gaja jahpre la na rai yang gatya masa hta hkan nna, gatya manu grau tso ai bo wa nli jahkpre la ra ai. Wa nli gaja jahpre la na rai jang lawu na lam lahkong galo gaja ra ai: 1. Nli gaja ai wa ganu shong lata la ra ai. Nli gaja ai wa ganu go mayat jat lawan, wa gasha ni hpe atsom chye lahku, chyu ntsin lo, ana htang n-gun ja re hta n-ga, tingnang ginra hte htuk ai nli lata la ra ai. Ga shadon: Htaihu wa ( 太 湖), Gyinfa wa( 京 华), Rungchang wa( 荣 昌) re ni grai hkrak ai. Anhte mungdan hta jahpre la ai Shanghai wa hpro(上海), Hube wa hpro(湖北), Begyin wa hpro(北京), Habe wa hpro(哈白) re ni mung wa ganu nli shatai yang grai mai nga ai. Nli shalun la na wa la hpe go, gaba galon lawan, wa-shat sha tsom, hpyi shan tsom, ana htang n-gun ja, mayat no gaja, mayat grau gatu re lata la na. Ga shadon: Changbe wa(长白), Dabe wa(大白), Dulohke wa(杜洛 克) re ni grai gaja ai, Changbe wa ganu mung grai mayat jat lawan ai majo, shong nnan na wa nli ganu shatai ma ai. Dabe wa a pra hkrung lai go Changbe wa hte ganoi maren sha re, anhte mungdan lo malong shara hkan go Dabe wa la ko nna nli shalun la ma ai, Dabe wa ganu mung grai mayat ai majo, wa nli ganu shatai yang grai mai ai.

  Wa nli hpe ladat myu 2 hku nna mai jahpre la ai: Myu mi go Eyen zagyau ladat(二元杂交), ndai bo ladat go nli n bung ai wa ganu hte wa la hpe jahpre la ai re. Mayu e go Yanghtu eyen zagyau ladat(洋土二元杂 交) lo lang ma ai, ndai bo ladat go wa lamyu lahkong hte wa ganu myu 5 hpe jahpre la ai re, ndai hku jahpre la ai wa go wa-shat sha tsom, gaba lawan, ana htang n-gun ja, mayat jat lawan rai nga ai. Madu ginra na wa ganu hte Changbe wa la shing n rai Dabe wa la hte jahpre la tim grai mai ai, ndai hku jahpre la ai wa go hpum lawan nna, shanzin htam 50% daram rong ai. Sutgan grau rot jat ai shara hkan go ndai hku jahpre la wa wa nau n lu dut sha ai majo, ndai bo ladat nau n lang masai, dai shara hkan go Yangyang eyen zagyau ladat lo lang ma ai, ndai bo ladat go wa nli myu lahkong ko nna nli shalun la ai rai nga ai ga shadon: Changbe wa la hte Dabe wa ganu hpe jahpre la tim mai nna, Dulohke wa la hte Changbe wa ganu hpe jahpre la tim mai ai, ndai hku jahpre la ai wa mung grai gaja ai. Bai myu mi go Sanyen zagyau ladat(三元杂交), ndai bo ladat go wa la myu 3 ko nna nli shalun la ai re, ya yang grau lang ai go ndai bo ladat rai nga ai. Sutgan grau rot jat ai shara hkan go Yangyang htueyen zagyau ladat(洋洋土二元杂交) lo lang ma ai. Ndai bo ladat go yanghtu eyen zagyau ladat hku jahpre la ai wa ganu hte wa la nli myu lahkong hpe bai jahpre la na, Dabe wa, Changbe wa hte Htaihu wa go wa gasha grai lo hkra chye woi ai majo, ndai bo ladat lang yang grai mai ai, ndai hku jahpre la ai wa go lani mi hta hke 700 daram lu gaba jat nna shanzin lo ai majo, gatya hta grai dut sha pyo nga ai. (Bai matut hti ga)