Hpungtang hpaji ginra景颇科普

Udi grai di ai bo u rem na ladat

好繁殖的鸡

时间:2017-12-13 11:27:34

  Laban 9 daram re go hke 600 daram du nna lani mi hta ushat hke 40.8 yo na, laban bat 20 re hpe go lani mi hta usha hke 68 yo na, laban bat 9~20 daram re hpe go ushat sha shadang a 90% daram rai na, ushat sharam yo ai hta lai nna laban bat 8~18 daram ko nna ushat na di hpro dat rong shadang shayom kau ra sai. NdaI aten hta di hpro dat nau rong ai ushat yo jang, u ni udi nau jau di mat nna namnak yom mat chye ai, u ni a namnak hpe grau nyem mat jang di hpro dat lo jat bang nna ushat mung loi lo hkra yo ra ai, namnak shadon shadang hte grau tso mat jang go, di hpro dat rong shadang loi shanyem kau, ushat loi sharam yo, shing n raI hkaulan tsop, simai simo lap, htang mam re ni lo jat bang nna hkainu a shadang loi shayom kau na. Ladat ndai masum gara bo lang tim namnak lu tek sharam ton nga ai, gaga wuisinsu hte wuileng yensu ni go n mai shayom kau ai. Dai hte rau wanpu htong shachyi ya na ahkying aten hte wanpu chyi shadang mung no sharam ton ya ra ai, ndai aten hta wanpu shachyi ton ya ai ahkying shayom kau jang u ni gaba galon wa na lam hta grai wa-hkye hkra ai, wanpu shachyi ton ya ai ahkying aten sharen dat jang mung nau bai hpum mat ai. Dai majo laban bat 7~18 daram re hpe go lani mi hta wanpu hkying hkum 8 daram htong shachyi ya jang ram sai.

  Ushat sharam yo ai go u ni angui sha rai gaba galon wa nna nau n hpum shangun na matu rai nga ai, ushat sharam yo na ladat go grai lo ai. Ga shadon: Laban bat mi hta ushat lani mi shing n rai ni ni n yo na, ndai bo ladat lang yang u ma-hkra ni ushat hkru hkru mu sha na hku yo ra ai. Nkau kau go lani mi a matu na ushat hpe galang mi sha sa bang yo ma ai, ndai bo ladat hku yo yang go, grau kung ai u ni ushat lu sha hkru ai hpang chye yen mat nna, hkrang gaji ai u hte masin gaji ai u ni raitim ushat hkru hkru mu sha nga ai, la-ma lahkong masum lang sa bang jo sa nga jang, shagu lang grau kung ai u ni hkrai sha kau kau rai nna, hkrang gaji ai u hte masin gaji ai u ni ushat n hkru mat mat rai nga ai. Gara bo ladat lang ai mi raitim lani mi hta ushat gade yo na ngu ai shadang masat ton ra ai. Yi-nam lado gahtet sa-up ai aten hta u ni ushat nau n lu sha nna nau n gaba hkro ai, ndai aten hta shana de loi gatsi wa jang she ushat yo na, ndai aten hka nau n mu jang sai gahkrang lanyen nna u ni chye machyi si mat ai. Ndai aten hta dohten mat, ana rong, machyi mat re u ni hpe rim lata kau ra ai, grau nna go laban bat 18 daram hta lu rim lata kau yang grau mai ai, laban bat 19 ko nna go byin masa hpe yu nna uram ni hpe yo ai bo ushat galai yo tim mai nna, laban bat mi a shong ko nna di hpro dat 15% daram rong ai nambat 2 ushat yo tim mai nga ai. Laban bat 20 daram ko nna go udi di shangun na matu mai rim rong kau sai. (Ngut sai) (Gale ai Zinghtung Ma Sam)