Hpungtang hpaji ginra景颇科普

Miwa sabyin si sha yang ba hkoi shan tsom ginsa yak ai

吃小柿子有益健康

时间:2017-12-04 15:46:18 来源:德宏团结报

  Shayi nu num ni Miwa sabyin si loi sha yang myi man shan tsom wa ginsa wa na hpe htang maja lu ai hte rau, rung bungli galo ai shayi num ni hpe puba ai mung no lu jahkoi kau ya nga ai, bai nna nu num ni ma hkum hkum nga ai ten hta Miwa sabyin si sha yang ma hkum sai tso wa na hpe mung no htang maja lu nga ai. Miwa sabyin si go sha yang hom dui dik nga ai, shing rai“Dui dik ai ja namsi” ngu ai shingteng amying lu nga u ai.

  Miwa sabyin si a hkum de wa ai bo lusha dat n-gun manu grai tso nga ai, gata ko hpuhtau htang, kohtang, danbeji, hulobusu, wuisin su C, ka-anson, ten, gai, lin, hte ni rong nna, gahtet shakop sinwop madi shangun, ntsin abyi shapro hpang gara shamai ya, jahkru shangap mahka shabyo ya ai akyu rong ai hte rau, masin salum n-gun shaja ya, ana htang n-gun jat ya rai lu nga ai. Shayi nu num ni a matu tsun ga nga yang, Miwa sabyin si ko hpring tsup ai wuisin su hte nhprang rai ni go, myi man shan shatsom, gumgai wa na hpe htang maja re akyu mung no rong nga ai.

  Miwa sabyin si ko rong ai wuisinsu C go ningshung makok si na hta htam 10 rai nga ai. Shi ko dabak rong ai wuisinsu A go ginsa htang myi jasan ya lu rai nga ai. Bai nna lo lo rong nga ai hulobusu go, masha a hkumhkrang gata na maza mala hpe galai lawan shangun lu nna, shayi nu num ni ningtuk htok shapro, ginsa ana htang maja, ginsa gumgai wa na hpe htang maja re lam ni hta akyu jashon lu nga ai.

  Dai hta n-ga, ma hkum num ni mung Miwa sabyin si loi sha yang mai ai, lani mi hkum 1-2 sha yang hkrak nga ai. Grau nna ma hkum ko sai tso ana lu ai shayi num ni go Miwa sabyin si sha yang sai tso ana shamai la lu nga ai.

  Bai nna Miwa sabyin si hpe kan gaman ko n mai sha ai, sha ai shaloi mung ahpyi yen kau nna sha ra ai.

  (Gale ai: Ma Mun)