Hpungtang hpaji ginra景颇科普

Dungngut rem ladat

养鹌鹑鸟的方法

时间:2017-11-26 16:25:22 来源:德宏团结报

  Ushat go dungngut kro pru wa ai hkying hkum 24 daram rai jang mai yo hpang sai. Shong nnan e go hkainu shadung hte n-gu shadung hpe shai chying hte shai jo na. 2 ya a hpang ko nna go akyu namshum rong ai bo zhengya silau mai yo sai, ndai bo ushat go hkainu kungkyin 25, lasi pa kungkyin 15, nga shadung kungkyin 7.5, hkaulan tsop kungkyin 1.5, nra shadung kungkyin 1, dowuisu kungkyin 0.175, wuileng yensu kungkyin 0.05, AD3 kungkyin 0.1, jum kungkyin 0.1 di gayau la na. Ushat go ramdo gat jo jang rai sai, ushat nau gat shau jang dungngut hkalung ni hta sha yak ai, nau bai gat shalo kau jang mung chye apa kap mat ai, hka mung asan sha rai nna loi lum lum nga ai jo ra ai.

  Dungngut hkalung ni hpe gahtet gatsi shadang loi tso ai hku shagrin ton ya ra ai, gahtet gatsi shadang chyahkring go tso nna chyahkring go bai nyem n mai rai ai. Gahtet gatsi shadon sat(温度计) hpe hkum gahtet gatsi shadon set hte jahko la nna uro ga-ang ko tsat ton na. Gahtet gatsi shadang sharam jo jang dungngut gasha ni gaba lawan nna ana mung nau n chye byin ai, nau shanyem kau shing n rai nau shatso kau jang mung kan mase, namnak lam hte ana htang n-gun yom mat, udi lawan n chye di ai, laja ai rai jang pyi chye si malap mat nga ai. Dai majo 1~3 ya daram re hpe go laman 38~39 a lapran hta sharam ton na, 4~5 ya daram re hpe go laman 36~37 a lapran ko sharam ton na, 6~10 ya daram re hpe go laman 35 ko sharam ton na, 11~20 ya daram re hpe go laman 30~32 a lapran ko sharam ton na, 21~ 35 ya daram re hpe go laman 30 ko sharam ton na. Ulong gata na gahtet gatsi shadang ram n ram go gahtet gatsi shadon set ko sha mung n mai yu ai, la-ma dungngut hkalung ni rau jom majo nga jang go gahtet gatsi shadang nau nyem mat ai majo rai nga ai, hpum apa to nga nna yup nga shajang jang go gahtet gatsi shadang nau tso mat nna byin ai rai jang she gahtet gatsi shadang ram ai ga re.

  Dungngut go 35 ya daram gaba jang udi chye di sai, lawan gaba shangun na matu, wanpu htong shachyi ton ya nna ushat lo lo sha shangun ra ai. Gaji gaba n bung ai dungngut ni hpe go wanpu htong shachyi ton ya ai lam mung n bung ai. Ga shadon: 1~ 5 ya daram re hpe go wa(瓦) 60~100 re wanpu hpro shani tup tup htong shacyi ton ya na; 6~10 ya daram re hpe go lani mi hta hkyinghkum 22 daram htong shachyi ton ya na, jan grau htong hkra ai ulong ko go shana hkan htong shachyi ton ya jang rai sai; 11~ 35 ya daram re hpe go lani mi hta wa 40 re wanpu hpro hkying hkum 20 daram htong shachyi ton ya na.

  Dungngut hkalung rong ai ulong na bam shadang go lado hta hkan, dungngut gaji gaba hpe yu rai nna sharam ton ya ra ai. 1~ 6 ya daram re hpe go bam shadang 60% ~ 70% a lapran ko sharam ton na, 6 ya a lahta de na hpe go bam shadang 55% ~60% a lapran ko sharam ton na. Gahtet gatsi shadang nau tso nna uhkyi shau, hka nau n lu rai jang go aga hkan shing n rai wanhtung ko hka ru jo bun nna gahtet gatsi shadang shanyem kau ra sai. Dungngut gasha ni gaba wa magang ushat grau sha nna hka mung grau lu lu sai majo, ulong na bam shadang mung grau tso jat wa chye ai, shaloi hkan go ntsa hkalap hku nbung nsa jashon bang ra sai. Nbung nsa san jang she dungngut gasha ni grau gaba lawan ai. Dai dungngut ni a nsa, hkyi hte wanhtung ko wan wut nna byin wa ai yiyangfahtan nsa re ni go dungngut gaba wa na matu grai wa-hkye hkra nga ai, dai majo ulong hpe nong e asan aseng di lajang kau ra ai. Yiyangfahtan nsa nang jang go nbung nsa lawan ladan jashon bang ra ai, shing rai 0.01% re ai gaumungsongya tsi hpe hka hte pau la nhtom, hkying hkum 2 daram bang ton ya nna lu shangun na, dai hpang 5% re ai hpuhtauhtang tsi ntsin bai jo lu na. Dungngut nau rong shalo kau jang ushat atsom n lu hta sha nna gaba yak, udi lawan n chye di, mun hkrat, ushat gashun sha nna gabye sat hkat chye rai ai, dai majo laban bat 3 daram re hpe go hpyinfangmyi 1 mi hta 150~180 daram sha mai rong ai, yi-nam lado hta go ndai hta loi no shayom kau ra ai. (Ya na lang bai matut hti ga) (Gale ai Zinghtung Ma Sam)