Hpungtang hpaji ginra景颇科普

Ningshung lado yi sun hkauna shu ngut ai htom jan lam yang gaja ai

稻谷收后晒太阳对身体好

时间:2017-11-26 16:20:10 来源:德宏团结报

  Ningshung na hkam ngu ai go ningshung naimam ni dan shu ngut ai htom, n hpa n gan hkai nna hkam ton nga ai hpe tsun ai re. Dai yi sun hpe galau nna lam jahkro ton yang, htom shaning hkai hkai yang akyu lo lo rong ai. Galo ladat go lawu de matsun ai ko hkan na:

  Ladat langai

  Mayu e go shata 11 pro do de, si de hte shata 12 pro de yi sun hkauna hpe galau nna jan ko lam ton yang grau gaja ai. Galo ladat go: Wa hkyi, nga walong na nga hkyi re ni shong yi sun ko ra chyam hkra dat bang nna, yi bai galau gale kau u, raitim nau sung hkra n mai galau ai. Sadi ra ai lam go galau ton sai yi sun ni hta ahka n mai hkra ai, grau nna go hka n mai dat bang ai, hka shalen shapro kau na hka hkong htu nna hka hpe atsai sha shalen shapro kau yang she, jan lam ai akyu rong ai.

  Lahkong go gaja ai lam

  1. Ga sau shajat la, ningtuk rong ai rai marai ni shapro kau ya, aga gata na hka, nsa, namhpun re rap ra lam jahtap jahtuk ya lu rai nga ai. Ningshung lamu ga hta aten na na hka ing rong nna, aga ni aten na na nbung nsa n hkrang tsom, aga gata na ningtuk rong ai hpri, danwu, luhuahkyin(硫化 氢), gya wan(甲烷) re nlu shapro kau nna, lamu ga ko rong to nga ai nhprang rai ni n lu shapro kau rai, yangfun (养份) n lo, hkai nmai tu gaba wa na lam hta wahkye hkra ya ai. Ningshung lado hta yi sun hkauna hpe jan ko lam yang, aga ginro, nsa pru na ahku lo nna, aga hte nbung nsa ni shada hkrum lu nna, lamu ga ni lu yanghua (氧化) nga ai. Dai hte rau, lamu ga hte ga gata na ahka, nsa, namhpun re ni lu awai la nna, hkai nmai tu gaba wa na lam shatsong shatso dat lu ai.

  2. Shingtai shingko sat shamyit, aga n-gun jat la. Ningshung lado na yi sun hkauna hta, naimam npot hkan ningshung lagyim lai ai shingtai adi hte shangda sai shingtai shingko ni rong gajang nga ai. Yi sun hkauna dai ni hpe galau gale kau nna lam kau jang go, shingtai adi dai ni si mat lu ai.

  3. Atsing anam ni tsan shot seng kau na. Ningshung yi sun hkauna na nam atsing ni hpe galau chye gabai kau nna, jan gata ko lam jahkro kau jang go, bai tu wa na atsam n rong mat ai. Dai hta n-ga, aga gata e galau ga-up bang kau jang nsa gadon nna, aloi sha n lu tu pru wa sai.