Hpungtang hpaji ginra景颇科普

Hkauna ko chyahkan hte hkatsu rem na ladat

田里养螃蟹和虾的方法

时间:2017-11-05 21:16:14 来源:德宏团结报

Hkatsu li sa mari yang, lam hkan n jasat kau na matu, hkatsu rong ton ai balasatik buri ko yanghkyi nsa hpring hkra htu bang ra ai. Hkauna ko dat bang na shong e hkatsu bang ton ai balasatik buri hpe hka ko manit 15 daram tsing ton na, dai hpang balasatik buri na hka hte hkauna na hka gahtet gatsi shadang ganoi maren rai jang, balasatik buri mahka loi hpo dat nna hkauna na hka loi shalui bang dat na, dai hpang she hkatsu gasha ni hpe yat yat sha hkauna de dat bang dat na.

  Hkatsu mung bo hkum sumhpa rai ni sha ai bo hka jahkai re, shi a lusha go hka gata na tsingdu tsingman, namsi namso, masha galo ai hkatsu shat ni hta lai nna shanhta madu ro galai da ai hpyi tsop ni hpe mung no sha nga ma ai. Nau kosi n dang hkam mat jang go shanhe shada da pyi no chye hpya sha hkat wa ma ai, dai mojo hkatsu rem yang go hkatsu sha ra ai bo hka tsingdu lo lo hkai shatut ton ya ra ai hta n-ga, hkatsu shat ni mung hkru hkru kat kat yo ra ai.

  Hkauna ko go nga, chyahkan, hkatsu re ni mai rem nna shugok, tau-pyet re ni mung no mai rem nga ai, hkauna pa langai mi hta nga hte hkatsu, anga hte chyahkan, nga hte chyahkan hkatsu di nna mung mai gayau rem nga ai. Hkauna ko hka jahkai rem yang go mam pru shadang hpe n shayom kau ai gata hta, amyat mung grau jat wa lu jang go gara bo hka jahkai rem tim mai nga ai.

  (Ngut sai)