Hpungtang hpaji ginra景颇科普

Nsen maza go hkamja lam sen maza go hkamja lam hta jahten sharun hkra nga ai ta jahten sharun hkra nga ai

噪音影响着健康

时间:2017-11-05 21:13:45 来源:德宏团结报

  Mungkan tsi mawan hpung ni ndai lapran shapro ai《Sin kesho gya》hkumhpa laika hta madun shapro ai, nsen maza go masha lo malo hpe myit kyin myit gahtet wa shangun shing nrai si wa hkra re kahpang langai rai nga ai. Uropa dan hta salum ana shing nrai nbung ana e si mat ai masha hta, 3% go hkrunlam nsen maza e byin ai rai nga ai. Mungkan ting hta salum ana lu nna si ai masha go laning mi wan 7 jan du nga ai, tsa htam shadang hku shadon yang, laning mi nsen maza e si hkrum ai masha go sen 2.1 du nga ai.

  Gaba ai mahkon nsen go masha a hkamja lam hta wa-hkye hkra ai, Uropa dan na asak 7—19 ning re ma ram ni go, 2% nsen maza e machyi mako rai wa shangun nga ai. 2% na Uropa dan masha ni go nsen maza e yup mang pyi ntsom nga ma ai, grit htum go 15% na masha ni nsen maza e myit ru myit yak shangun nga ma ai. Bai 3% go nsen maza e na machyi ana lu sai. Inglik mung Lundun dakkasu jong na sara gaba Dihke.Hpulasha go ning nga nna tsun ai:“Nsen maza go maza mala langai nan rai nga ai, rai yang gadai e n myit maju jung ya nga ai.” Mungkan tsi mawan hpung ni tsun shadan ai, fenbui(分 贝) 50 lai sai nsen go masha a salum hpe shaza hkra sai. dai rai yang shat seng re hkan na nsen go fenbui 55 daram rai nga ai, modo chyat ai modo lam hkan na nsen go fenbui 75 du nga ai.

  Laksan ninghkring ni sadi jo ai, nsen maza go masha hpe myit kyin dut shangun nna, sak sumri hta hkra wa shangun nga ai, myit kyin myit pu rai jang go salum ana lu ai ni agajong sha bai machyi wa chye ai. Dai hta n-ga, ndai zon re masha ni hkamja lam hta akyu n rong ai lusha grau bai sha sharong, shamu shamot go bai lagon, malut bai lu ra, ndai zon re lai kyang go hkam ja lam hta akyu n rong dik nga ai.