Hpungtang hpaji ginra景颇科普

Nmut lado hta ok loi ai machyi ana myu mut lado hta ok loi ai machyi ana myu 8

夏季的健康之宝

时间:2017-11-03 16:28:01 来源:德宏团结报

  Awo wo ra ai

  Nmut lado hta go gahtet gatsi lai lawan nna, sadi n du jang awo wo loi nga ai. Mayu na awo hte hkron kap chye ai awo ndai myu lahkong nga nga ai.Mayu na awo go,namtsi hta“Ali awo”ngu ai re, shi go ana ganu lo malo ni e byin wa ai nsa lam hku nna hkron kap wa ai nong e mu ga ai machyi ana myu mi re, dai hta 30%-50% go ndi ana ganu myu mi e byin wa ai rai nga ai. Dai majo nmut mangai lado shang wa ai hte hkum hkrang shaman shakyang shaja nna, ana htang maja n-gun shaja la ra nga ai hta rau, gahtet gatsi shadang lai shai wa na hpe mung sadi maja let, bu hpun palong jat hpun ra ai.”

  Sa ran lam ana

  Nmut mangai lado hta go sa ran lam ana wa ok lo dik ai lado rai nga ai, hpa majo nga yang mangai lado hta nbung nsa hta hkum majit laron wa ai bo rai ni lo nna, nsa ran lam ana byin loi nga ai. Hkum majit laron ra ai ni go lusha sadi nna, dum nta htingwan na nbung nsa jahkrang, hkalap hpo shaja rai na. Myit pyo myit zim rai yang mung ana htang n-gun shaja la lu nga ai.

  Pu kan alit li wa

  Masha hkum hta nbung gatsi gawut hkra jang sai lam hta zu-anson lo wa nna, shat kan na hkri hpa abyi pru wa ai lam lo wa nhtom, shat kan gyin wa ai, dai hta n-ga gahtet ta lai ai hpang, n-gup mu wa nna, shat kan a alit li jat wa nga ai. Shat kan ana bai ok wa shing nrai machyi jat wa nga ai. Mangai marang ana

  Mangai lado hta go nbung nsa n-gun nyem, madi manya shadang tso rai nna, masha hkum na sai dip n-gun, jit rong shatang re ni hpe wahkye hkra wa nga ai. Masha nkau ni go myit do myit pu rai wa nga ai. Bai nna madi manya re majo ana ganu brat loi nna, kan hkye ana, lusha rin hking ana hte shan hpyi ana ni byin wa na hkinjang jat la nga ai.

  Sin wop ana

  Nmut mangai lado go hkun hkro ana kumla byin nga ai, dai hta jahten hkra dik ai go sinwop hta re. Ali awo wo re hta ko nna mung sinwop ana ok wa chye ai, mayu e hkum hkrang shakyang shaja ra la nna, sinwop n-gun shaja la na, jap ai lusha sharam sha nna, sinwop makop ya na lusha sha jat , sinwop na hka ni shajat la rai na.

  Gaungui nna byin wa ai yu hkro ana

  Nmut mangai lado hta go yu hkro ana byin ra, yup n lu, myit pu, myit tin, yu hkro n nga pyo, gaya, hkun hkro gahtet re lam byin nga ai, dai go gaungui nna byin wa ai yu hkro ana hte seng ai machyi kumla re. Lawan tsi kau ra nga ai. Nrut nra lamyi laman makret machyi Nmut mangai lado hta galang go gahtet sha-up, galang lang go lagyi rai nna, lamyi laman makret machyi ana byin loi nga ai. Machyi masha ni buhpun lum lum hpun ra nga ai.

  Hkum shan hta ana kap wa

  Maji jigrong gawa hkra jang masha a hkum hta bum gaya wa re kumla pru nga ai, lama dingyang mahkyit jahpye kau jang go matsui htu wa nga ai