Jinghpo ubadi景颇法规

Miwa mung suthpom pati hpung tara

中国共产党章程

时间:2019-06-11 17:29:34 来源:德宏团结报

  (Shata 6 pro 5 ya shani na do) №47 Lahta tsang asat tara jep salang rapdo ni go lawu tsang asat tara jep salang rapdo a bungli galo lam jep na ahko ahkang lu ai hta n-ga, lawu tsang ni a asat tara jep salang rapdo zang mu jep ai hte dodan lam hkro ya ai hte lai kau ya na ahko ahkang lu ai. Lama dai lawu tsang asat tara jep salang rapdo ni a dodan lam galai kau ya ra ai rai jang, shi a rau tsang pati a salang rapdo ni ko na hkro ya sa yi nga jang go, ning re galai kau ai lam hpe shi a lahta tsang pati a salang rapdo ko nna hkro ya ra ai. Pati a buga tsang shagu asat tara jep salang rapdo hte lawu tsang asat tara jep salang rapdo ni lama rau tsang pati a salang rapdo ni a zang mu lajang ai dodan hpe myit n hkrum lom sa yi nga jang, lahta tsang asat tara jep salang rapdo ni bai galo jep yu na matu hpyi shon mai ai. Lama rau tsang pati a salang rapdo shing n rai shi a rapdo masha ni pati a asat tara tot lai ai lam mu shapro jang go, rau tsang pati a salang rapdo n hparan ya shing n rai jo ai hku n hparan ya ai shaloi go, lahta tsang asat tara jep salang rapdo de hpyi shok nna, hpajang lam garum na hku hpyi shon na ahko ahkang lu ai. Pati hpung hpongchyom №48 Ginjo hte buga mungdan rungdap, mungchying sha mazum hpung, ja sutgan hpongchyom, kunghpan maka hpogchyom hte gaga pati hpongchyom n re ai woi on rungdap hta, pati hpung hpongchyom mai go sharot ai. Pati hpung hpongchyom go woi on akyu shapro na. Pati hpung hpongchyom a magam lit madung go, pati a lam yan,madun tara hpe hkan shatup hkrat wa. Madu rungdap hta pati go maden lam woion ai mu shangang shakng, ja ai tara hte pati hpung gon hkang hkrat wa na lit gun hpai ra ai. Madu rungdap na ahkyak manghkang lam dingun dodan. Ganbu masha gon hkang mu glo gaja. Lawu tsang pati hpongchyom lajang sharai ai hte pati masha lajang re ahkyak bungli ni bong ginrat dodan ai .Pati masha n re ai ganbu masha hte shawa masha ni hpe myit woi jahkrum la nna, pati hte mungdan e ap ya ai magam lit ni hpe galo shangut hkrat wa na. Rung dap hte tengtok gonhkang rungdap pati hpongchyom a bungli woion galo hkrat wa na. №49 Pati hpongchyom na masha ni go, pati hpongchyom go sharot ai shaloi na ahkang jo ai pati hpung ko nna dodan ai re. Pati hpung hpongchyom hta ko mu madu masan da ra ai, ra ang jang mu madu ningtau mung mai masan da ai. Pati hpongchyom ni go ahkang jo nna shi hpe go sharot ton ai pati hpongchyom woi on ai ko hkan ra ai. №50 Lawu tsang rungdap hpe gahkyin ginhkyom gon hkang ai mungdan mu htam rung dap hta pati salang rapdo mai go sharot da ai, pati salang rapdo go sharot na ladat, ahko ahkang hte magam lit ni hpe go, ginjo ko nna laksan dodan da ai re. Pati hte suthpom masa ramma hpung a seng hkat lam №51 Miwa mung sunthpom masa ramma hpung go Miwa mung suphpom pati e woi on ai ningshong sho ai ramma ni a shawa hpongchyom re, lohtam ai ramma ni bungli galo hkrat wa ai lam hta Miwa mung laksan nsam rong ai hpong shigra masa hte suthpom masa hpaji sharin la ai jong re, pati a ningtau hte hpa latu n-gun re. Suthpom masa ramma hpung a ginjo salang rapdo hpe go pati a ginjo salang rapdo ko nna woion hkrat wa ai re. Suthpom masa ramma hpung a tsang shagu hpongchyom ni go rau tsang pati salang rapdo woion hkrum ai hte rau, suthpom masa ramma hpung lahta tsang hpongchyom ni woion ai hkrum nga ai. №52 Tsang shagu pati a salang rapdo ni go suthpom masa ramma hpung hpe woi on shaja hkrat wa ai hte rau, suthpom masa ramma hpung na ganbu lata shakyang shalik mu galo shaja sa wa ra ai. Pati ko nna lo htam ai sunthpom masa ramma hpung ni a lailen hte ningra lam hta hkan nna, azet atsang rai, ningnan shalat bungli ni htam galo sa wa ai hpe da-kring da-lang rai madi shado sa wa nna, shanhte a laram larau hpung akyu hte lo htam ai ramma ni hte matut mahkai ai akyu htam shapro shangun na. Suthpom masa ramma hpung a ginwang tsang hte ginwang tsang lawu de na tsang shagu salang rapdo a mu madu, sutgan magam dap hte ningsang magam dap na suthpom masa ramma hpung salang rapdo mu madu go, pati masha rai yang, rau tsang na pati a salang rapdo hte dinggrin salang rapdo a zuphpong hta sa du dung lom mai ai. 11 Pati dazik hte pati donghkon №53 Miwa mung suthpom pati a pati dazik go ningshau hte sumdu hpe shingrau ton ai hkrang sumla re. №54 Miwa mung suthpom pati a pati donghkon go donghkon man hta ja htoi n sam pati dazik hkrang sumla shkap ai dong hkon hkye re. №55 Miwa mung suthpom pati a pati dazik hte pati donghkon go Miwa mung suthpom pati a masat kumla re. Tsang shagu pati hpongchyom hte hkum shagu pati masha ni yong go pati dazik hte pati donghkon a hpung shingkang hpe makop maga ra ai. Dodan madat ai ko hkan nna pati dazik hte pati donghkon hpe galo ai hte lang hkrat wa ra ai. (Ngut sai)