Jinghpo ubadi景颇法规

Sakhkung ga na mu mun lam du ai kumshu hkro si wa nga ai

德 宏 万 亩 甘 蔗 遭 遇 旱 灾 人保财险及时查勘理赔

时间:2019-06-11 16:48:30 来源:德宏团结报

  “Eernino”kumla e chyinghkyik hkra ai majo, daining anhte mungdo hta marang n htu, shara lo malo hta jan gri gahtet ai masa pru shajang nga ai, shing rai nna, mungdo ting na kumshu yi tsin-yam hkrum sai.

Jan gri ai majo, mungchying sha sutgan ama hkam Sakhkung mungdo dap ran dap ni go ya hte kumshu yi hkun hkro tsin-yam hkrum sha lam shana ai chye-nan lu la ma ai, dap ran dap gumhpro wa dap ni go shiga lu la ai hkying hkum 24 laman hta masa ko yu nna, gumhpro wa ya na bungli ni galo sa wa ma ai.

Gumhpro wa dap ni go shata 5 nhtoi 20 ya shani tsim-yam hkrum shara de masha hprai dat nna, kumshu yi hkan sa shadon jep yu yang, shara lo malo na kumshu yi ni go madang n bung ai hku nna tsin-yam byin nga ai, tsin-yam byin grau na-du ai go Yinkyang ginwang hta wa ang nga ai, ya du yang kumshu ma si mat ai go mu mun 800 rai sai, n chye galu gaba mat ai go mu mun 1.5 jan rai nga ai, ya dingyang hkro si mat wa na go mu mun 8 jan rai nga ai, nau son yu yang ja gumhpro lap wan 3 sum mat na hku rai nga ai.

Ya yang, mungchying sha sutgan ama hkam dap ni gumhpro wa mu lajang hkrat wa nga ma ai, shing rai nna tsin-yam hkrum sha nga ai hkaimu masha ni hpe gumhpro lau lau wa ya nga ma ai, dai hte rau, asuya seng ang rungdap, htang rung ni ko hkan shingrau nna, tsin-yam hkrum hkaimu masha ni hpe gumhpro gapa jo mu hkan galo nang nga ma ai.

Mungdo lamu marang maram dap ni shachyen dan ma yang, daining shata 1 ko nna, anhte mungdo hta marang htu shadang go shawoi shaning na hte shadon yang rap jahpra 20% yom mat nga ai, grau nna shata 5 pro 6 ya shani ko nna rai wa yang, mungdo ting hta lamu hpong jan ja ai majo, shara lo malo ni ko gahtet shadang 35℃ a lahta de du shajang nga ai. Ndai bat hta, Sakhkung ga na shara lo malo ni hta lamu hpong, marang gachyi chyi sha htu masu re masa no pru na hku rai nga ai, mungchying sha sutgan ama hkam dap Sakhkung mungdo dap ram dap ni go shara shagu na kumshu hkai hkaimu masha ni hpe hkunhkro htang maja mu galo sa wa na hku shadum jahprang dat masai.