Jinghpo ubadi景颇法规

Miwa mung suthpom pati hpung tara

中国共产党章程

时间:2018-12-19 10:10:30 来源:德宏团结报

  Miwa mung suthpom pati hpung ko nna mungchying sha ni hpong shingra masa ningshong sho kunghpan maka woi sharot hkrat wa. Hpong shingra masa woion chyoi pra mu go maden, ubadi hte mungdan gon hkang ai hte sari sadang hte mungdan gon hkang ai gapyon hkrat wa, amyu shagu ni a myit jasat sari sadang hte logadat hpaji madang satso, gram galai hpaga lam hpo ai hte hpong shingra masa prat dep mu go maden hkrat wa na matu, myit jasat n-gun, woinyi n-gun hte zai nyan n-gun sak jo na matu ama hkam ya nna, hpong shingra masa prat dep mungdan go maden hkrat wa na. Hpong shingra akri hkrang hpon go maden, Ma Hke Si Le Nin masa myit jasat madun lam hkom, Miwa mung alak nsam rong ai hpong shingra myit jom saku lam sharot, mung tso masa hpe akri shatai ai amyu a- tsam hte gram galai ningnan shalat hpe akri shatai ai lak prat atsam hpe n-gun gaba dat nna hko shabra hkrat wa, hpong shingra masa akri manu myit jasat sharin la ai hte hkan galo shatup hkrat wa, hpong shingra masa arong hte gaya ai myit jasat woi jashon, amyu a tinang hpe tinang tsora, tinang hkum hpe tinang hkam ai hte madu shakut shaja a- tsam shangang shakang, sut madu masa gumchying gumsa masa e jahten wa na hpe hkap shingdang, myu shagu hpong shingra n hkru n gaja masa lam ye jasan, n-gun atsam gaba dat nna anhte mungdan mungchying sha ni hpe myit saku lam lu. sari sadang nga, hpaji byen ya chye, asat tara hkan ai mungchying sha shabyin shatai dat na. pati masha ni hpe suthpom masa galu gaba na myit saku lam no sharin shapan ra ai. N-gun gaba dat nna sharin shapan, logadat hpaji, kunghpan hpaji mu sharot hkrat wa, Miwa gumsan mungdan na gaja ai hkringhtong kunghpan maka hpe grau nna galo jahkrak la, galo sharot zinghka hkrat wa, gumlan kunghpan maka hpe matut lang sa wa, hpong shingra masa gaja ai kunghpan maka shawum shaja sharot zinghka hkrat wa, mungdan kunghpan maka a akyu n-gun sha- tso la hkrat wa. Myit jasat lam woi hkang hkrat wa ahko ahkang hpe ngang ngang manat, Ma Hke Si myit jasat hpe myit jasat lam hta jai lang hkrat wa, pati ting mungdan ting na mungchyign sha ni myit hkrum mang rum let jom shakut shaja hkrat wa na myit jasat npot nhpang shangang shakang da na.(Bai matut hti ga)