Jinghpo ubadi景颇法规

Ubadi ganu a atsam hkan matut lang Ubadi ganu a hpung shingkang sharot hkrat wa

德宏州开展“12.4”国家宪法日宣传

时间:2018-12-17 17:09:17 来源:德宏团结报

  Sinhua she Bekyin shata 12 pro 4 ya shiga Mungdan a nambat manga lang ubadi ganu nhtoi du wa na nington e, Miwa mung suthpom pati ginjo dinghkung mu madu, mungdan tingnyang up, ginjo hpyen rapdo tingnyang up Si Gyin Hpyin go tara shaja ga bungjat tsun u ai, ubadi tara hta hkan nna mungdan gon hkang hkrat wa na rai yang, shong ningnan e ubadi ganu hte nan mungdan gon hkang hkrat wa ra ai, ubadi hte gon hkang hkrat wa na rai yang, shong ningnan e ubadi ganu hkan shatup hkrat wa ra ai. Anhte mungdan hta ya lang nga ai ubadi ganu go, anhte mungdan hpong shingra masa gumhpon go maden, gram galai hkrat wa ai npot nhpang hta ding yang matut nna dodan galo sharai la mat wa ai re, suthpom pati a myit ai lam hte mungchying sha ni a myit saku lam hpe lu ginhkyom ai, tara n-gun ja dik ai rai nna, gram galai hpaga lam hpo ai hte hpong shingra masa prat dep lam go maden hkrat wa ai hta ubadi hte gon hkang hkrat wa na matu ama hkam ya lu nga ai. Pati e mungchying sha ni hpe ubadi ganu woi dodan galo woi galo sharai hkrat wa ai lachyum go, ubadi ganu hpe ubadi hte mungdan gon hkang hkrat wa ai hta ahkyak ai akyu jashon shangun na matu rai nga ai. Hkrak ai htung tara hte ubadi ganu lang hkrat wa lu na hpe ama hkam ya, ubadi ganu yu tek shaja, ubadi ganu a ahko ahkang hpe makop maga, ubadi ganu hkan lang hkrat wa ai madang shatso la na. Pati hpung ting hpong shingra ting hta ubadi ganu hkan lang, ubadi ganu sharin achyin, ubadi ganu tara hkan, ubadi ganu hpe makop maga, ubadi hte hko shabra sharin shapan mu galo hkrat wa, ubadi ganu a atsam hkan matut lang, ubadi ganu ai shingkang sharot hkrat wa nna, mung shawa masha ni yong hte hpe hpong shingra masa ubadi hte gon hkang hkrat wa ai hta tara shang, tara hkan, tara makop maga ai masha byin tai wa shangun na.

  Mungdan mungchying sha dinggrin salang rapdo mu htam dap ni shata pro 4 ya shani ginjo hko shabra dap, ubadi htunghkang tara dap ni hte Bekyin ko “Ubadi ganu sharin hkaja hkan lang shatup hkrat wa, myit gabung n dum ai gram galai hpaga lam hpo hkrat wa” ngu ai dung jahta zuphpong jom hpo hpong dat sai.

  Miwa mung suthpom pati ginjo mung masa dap dinggrin salang rapdo, mungdan mungchying sha gasa zuphpong gaba dinggrin salang rapdo salang Li Jan Shu go zuphpong sa lom nna bungjat tsun ai lam go, dinghkung mu madu Si Gyin Hpyin a ubadi ganu hte seng ai ahkyak mungga hte hkro dat ya ai lachyum hpe atsom sharin hka-ja hkan shatup hkrat wa nhtom, Si Gyin Hpyin akri madung tai ai pati ginjo ko nna gon hkang hkrat wa ai gata hta, ubadi ganu hpe lang shachyam, ubadi ganu a hpung shingkang hpe makop maga hkrat wa ra ai nga ai.

  Li Jan Shu madun shapro ai, gram galai hpaga lam hpo ai 40 ning rai wa yang, ubadi ganu go pati hte mungdan a magam bungli sharot zinghka lam hpe n-gun mi alu rai nna ama hkam ya ai hte htu sit dat ya sai, ubadi ganu hkan sha- tup lang hkrat wa ai hta gaja dik ai mahkrum madup machyim ni mung lu la sai.

  Li Jan Shu bungjat tsun ai, mung shawa masha yong hpe ubadi ganu chye la shangun, ubadi ganu hkan shatup hkrat wa shangun ra ai.

  Miwa mung suthpom pati ginjo mung masa dap salang, mungdan mungchying sha gasa zuphpong gaba dinggrin salang rapdo ningbo ningatau Wang Chin go dinghkung mu madu Si Gyin Hpyin a ahkyak lajin lam ni hpe hton shana ya ai hte rau zuphpong aju jum u ai.

  Ginjo hko shabra dap, mungdan mungchying sha gasa zuphpong gaba ubadi ganu hte uabdi salang rapdo, ubadi htunghkang tara dap, sharin shapan dap, mungdan magam dap sharot zinghka dinglik ginju, Miwa mung ubadi rapdo, Miwa mung hpong shingra logadat hpaji dap na seng ang lit hkam myit rum ni hte 2018 ning ubadi hkan shatup lang hkrat wa ai ra lata lom masha gasa ni dung jahta zuphpong hta ga sa shaga ma ai.

  Miwa mung suthpom pati ginjo mung masa dap salang, mungdan jep gon salang rapdo mu madau Yang Shau Du, mungdan mungchying sha gasa zuphpong gaba dinggrin salang rapdo ningbo ningtau Zhau Gyen Myin, Wan E Seng, Hau Myin Kyin ni zuphpong sa lom ma ai.