Jinghpo ubadi景颇法规

Miwa mung mungkan dat sumla hkrung dap ni Mangshi na ruyak madi shado akyu nsi shapoi shabra ma ai

​CGTN法语频道向全球网民直播芒市脱贫致富成果

时间:2018-09-26 17:04:55 来源:德宏团结报

  Pati a nambat 18 lang zuphpong hpo ai hpang, Miwa mung na ruyak madi shado bungli hta galo ton ai akyu nsi hpe yong mu mada ai hku re. Mungdan gata hte maigan de lu la ai akyu nsi hpe shadan shaleng dan na matu, Miwa mung mungkan dat sumla hkrung dap(CGTN) Faransit ga shapoi pogram na shi sok masha ni go, shata 9 nhtoi 19 ya shani Mangshi Funghpyin gat mare Chyeyen ninghton Shangtsinhkan gahtong ko sa du nna, Mangshi ni nadap Nga rem ai mahkrum madup lam shapoi ya ma ai.

  Mangai mam dan ten re majo, gahtong de shang wa yang, ga- htong masha ni go mam dan nna kyin bu nga ma ai. Shani hkying 4 hta, Nga hkui shingjong hpang wa sai. Nga hkui ai ni go gabu oh lo nna jahtau maron nga ma ai, shanhte hpung garan nna hkui shingjong ma ai, makau grup yin hkan na shawa masha ni mung Nga hkui ai sa yu chyai ma ai. Shi sok masha ni Nga hkui nga ai Yoye Wanghton hpe gara hku myit lu nni ngu san yang, shi tsun: “Daini Nga hkui shingjong poi lu lom ai majo grai gabu ai, daining ngai hkauna mu 2 ko Nga rem yang, yong lu dut kau sai, maning moi ning hkan na mahkrum madup lu ai majo, daining gumhpro grau lu tam nngai.” nga u ai.

  Ninghton mu madu Yoai Sengpu shi sok masha ni hpe shachyan dan ai: “Pati a tara gaja ai majo, Ninghton masha htinggo 108 rai yang, htinggo 70 nadap ko Nga rem ma ai, hkauna mam hkrai hkai yang, hkauna mu mi ko gumhpro lap 1200一1500 daram lu tam ai, nadap ko Nga rem yang hkauna mam n grit mat ai hta n-ga, nhtang de gumhpro lap 1500一2000 lu tam nga ai, Nga dut ai gumhpro bai jat dat jang go, laning mi gumhpro tsomra lu tam ai hku re.”

  Ndai pogram hpe mungdan gata na shawa masha ni hte maigan masha ni grai yu ma ai hte rau, mahkrum madup lam dai sagon ai masha mung grai lo ma ai.