Jinghpo ubadi景颇法规

Miwa mung suthpom pati hpung tara

中国共产党章程

时间:2018-09-04 17:40:04 来源:德宏团结报

(Shata 8 nhtoi 31 ya na do)

 Anhte mungdan go ya yang hte ya hpang de na aten na na hta hpong shingra masa lawu tsang hta no ganot nga na hku re. Ndai go ja sutgan kunghpan hpaji hpang hkrat ai Miwa mung ko hpong shingra masa prat dep mu galo maden hkrat wa na rai yang, nhkrum gadup nlot re labau ten lado rai nna, tsa ning du ra nga ai. Anhte mung na hpong shingra go maden hkrat wa na rai yang, anhte mung na masa hta hkan nna go maden hkrat wa ra rai, Miwa mung alak nsam rong ai hpong shingra masa lam no hkom ra ai.Ya prat laman hta, anhte mungdan hpong shingra na hpai shai lam madung go mungchying sha ni lani hte lani lo jat mat wa ai nga pyo lam hta ra gadon ai lam hte nbung ra ai hkyem shajin lam nnga ai sharot zinghka hkrat wa ai lapran na hpai shai lam rai nga ai. Mungdan gata na masa hte mungkan e chyinghkyik hkra ai majo, atang gasat gala ai lam go shara nkau hta grai na hkra no nga nga nna, lakung lama nga wa jang bai shuk shanut wa na tai nga ai, raitim dai go hpai shai lam madung n rai sai. Anhte mungdan hpong shingra masa go maden hkrat wa na lit majing go, grau nna galo shapro n-gun shaja, galo shapro n-gun sharot hkrat wa nna, not not e hpong shingra masa prat dep mu shabyin sa wa na re hta n-ga, dai a majo galo shapro seng hkat lam hte lahta tsang gogap hta galo shapro n-gun sha- rot hkrat wa ai lam hte n kai ai lam hte gake hpe mung no gram sharai na.