Jinghpo ubadi景颇法规

Miwa gumsan mungdan tingnyang up Si Gyin Hpyin a aming Nambat 31

中华人民共和国主席令 第 三十一 号

时间:2017-04-18 11:31:01 来源:德宏团结报

  Do gaba langai. Dinghkung tara maka

  №1. Htingwan makop galo sharai la, nbung nsa maza hkra wa na hpe htang maja, shawa masha ni a hkamja lam ama hkam ya, matut chyoipra go maden, ja sutgan hpong shingra matut ndi rai sharot zinghka hkrat wa na matu, ubadi ndai dodan da ai re.

  №2. Nbung nsa maza hkra na hpe htang maja hkrat wa na rai yang, nbung nsa htingwan galo jahkrak la na hpe bandung shatai ra ai, npot de gon lajang, ja sutgan sharot zinghka ladat lai kau, htap htuk ai hku galo, n-gun npot lajang sharai dat rai ra ai.

  №3. Ginwang tsang a lahta de na mungchying sha asuya ni nbung nsa masa htang maja galo lajang mu hpe mungchying sha ja sutgan hte hpong shingra sharot zinghka yo shada lam hta bang da nna, nbung nsa maza htang maja galo lajang mu hta arang gumhpro lo wa bang nna galo hkrat wa ra ai.

  №4. Mungdan magam rapdo htingwan makop madung gon rungdap ni go, mungdan magam rapdo a dodan ko hkan nna, mungdo gaba, madu uphkang ginra, tengtok gonhkang myu hkan na nbung nsa htingwan gaja shadang galo sharai bandung, nbung nsa maza htang maja galo lajang lit madung galo shangut mat wa ai lam ni hpe jep shagrin ra ai. Mungdo gaba, madu uphkang ginra, tengtok gon hkang myu mungchying sha asuya ni ko nna jep shagrin ladat la shapro nna, madu gon hkang ai shara na nbung nsa htingwan gaja shadang galo sharai bandung, nbung nsa maza htang maja galo lajang lit madung shangut la mat wa ai lam ni hpe atsom sa jep shagrin na. Jep shagrin nsi hpe hpong shingra de shana shabra dat ra ai.