Jinghpo ubadi景颇法规

Nga sat nga sa htingwan makop hpaji

生活中的环保常识

时间:2017-04-17 16:28:33 来源:德宏团结报

  Langai. Dinghku gata hta ntsin ganing di sharam lang na

  1. Ten gadi nna hka-pyun galo gram la nhtom hka n gayun nga shangun na. 2. Hka hpo sharu ton nna hpun palong n gashin na. 3. Di hka-wan hpe gashin sa-bya ntsin gahte bang ai aban hta tsing masop gashin nna, gashin gaprau la na shaloi hka pyun bai manai hpo la na. 4. Lang yu sai ntsin hpe galang bai gahtap lang na.

  Lahkong. Shat gok na maza lam

  Shat gok na ju rai ni go ju ai hpang ayanghualu, ayanghuahtan re n gaja ai nsa hte nhkyep ni byin tai wa chye nga ai, arai ndai ni go masha a sinwop, nsa lam, bonu re ni hpe jahten hkra wa chye nga ai. Simai gangau ai ko na sau nhtut hta go pyinsizhen rong nna, ladi, myi, jahkro sap sanap hpe mana maka gasheng hkra ya nna ana shabyin dat na grai loi ai.

  Masum. Lin n rong ai sa-bya shadung lang shachyam

  Sa-bya shadung go linsonna bang nna galo ai re, rai gashin ai hpang, lin lom ai ntsin maza go hka de lui bang mat wa nna, hka ko na tsau tsit hte tu brat lawan si wa nna, hka lui sat lanyan mat, nga jahkai hte gaga hkrung rai ni yang nsa gata nna si mat wa chye nga ai. Dai hta n-ga, gashin ai bu hpun palong bu hpun jang hpyi gaya re manghkang ni mung pru wa chye nga ai.

  Mali. Modu lu ai ni a htingwan sanseng hpaji

  Aten hkrak rai modo mye sharai la nna, nsa maza shadang nyem dik ai hku shapro na. Modo maidang hku sau gayun jang, aban mye galo kau ra ai. Masha chyat ai shara, modo chyat ai lam, myu de modo n got sa na. Modo got nna bu hkom chyai yang maza mala ni hpe nam ga hkan n gabai ton da na. Mana maka maza ai modo hte modo lang rai ni n mari nna, gaja ai modo lang rai ni mari lang na.

  Manga. Dinghku jak rai na n gaja ai htong nan rai

  Ta chyenan, dat sumla hkrung, wuipolu re dinghku gata na lang rai ni go masa n bung ai hku nna htong nan rai rong shajang nga ai, shanhte go nsam n rong abat n rong, n mu mada, n lu masop, dinghkren n-gun grai ja re hta n-ga, lamu hpatwat hkan mung tup rong jong nga nhtom, ningnan ai maza rai bai byin tai mat nga ai, shing rai nna, ya prat hta masha hkum hkrang jahten ai npot nhpang langai bai rai to nga sai. Aten na na rai nna n-gun ja ai htong nan rai nga ai shara hta nga nga jang, saimong ana, shan mom bong lapau ana byin wa rai loi dik nga ai.