Jinghpo ubadi景颇法规

Miwa mung suthpom pati asat tara ari jo tara nambat

中国共产党员纪律处分条例

时间:2017-03-25 10:30:05 来源:德宏团结报

  №106 Shwa masha ni madu myit ai hku galo dut sha ai ahko hakng hpe hkan jehpre nna, shawa masha ni hpe ja gumhpro sum gaba hkrum shangun ai rai yang, teng tok lit la masha hte lit gun ningbo ni hpe go, sadi ga jo shing nrai na-du sadi ga jo ai ari jo na. Masa na-du ai hpe go, pati hpung gata na aya dom kau ya shing nrai pati n shparo kau ai yu maram ai ari jo na.

  №107 Hpong shingra ama hkam, madi shado gumhpro, tsin-yam hkye gumhpro rungrai garan jahtuk sa wa ai mu bungli hta nta masha jinghku jing-yu ni hpang de malong dat, rap ra ai hku n galo du ai hpe go, sadi ga jo shing nrai na-du sadi ga jo ai ari jo na. Masa na-du ai hpe go, pati hpung gata na aya dom kau ya shing nrai pati n shapro kau ai yu maram ai ari jo na.

  №108 Lawu de na masa langai hta wa hkra ai rai yang, teng tok lit la masha hte lit gun ningbo ni hpe go, masa loi song ai rai jang, sadi ga jo shing nrai na-du sadi ga jo ai ari jo na. Masa na-du ai ni hpe go, pati hpung gata na aya dom kau ya shing nrai pati n shapro ai yu maram ai ari jo na:

  1.Shawa masha ni mu galo, nga sat nga re akyu ara hte seng ai manghkang ni hpe tara hta hkan shing nrai dodan hta hkan nna mai hparan ai rai yang aban n hparan ya nna, n gaja ai bungli shapro dat ai.

  2. Tara hte htuk ai shawa masha ni a shok lawa hpe n kam hparan ya, nunnong shachya, pati hte shawa masha ganbu hte shawa masha shada seng hkat ai lam jahten ya ai.

  3.Shawa masha ni hpe nju ndong, matsa mawa rai nna, n gaja lam shapro dat ai.

  4.Masu ahpyop,lahta de masu lawu de magap yip nna, shawa masha ni a akyu ara jahten shabya ya ai.

  №109 Shawa masha ni myit ra ai lam n hkan ai, mak kahtak rai bungli masing jahkrat galo nna, mungdan, hpung jom shing nrai shawa masha ni a ja sutgan hte akyu ara hta sum gaba hkrum sha shangun jang, teng tok lit la masha hte lit gun ningbo ni hpe go, sadi ga jo shing nrai na-du sadi ga jo ai ari jo na Masa loi song ai hpe go, pati hpung gatan a aya dom kau shing nrai pati n shapro kau ai yu maram ai ari jo na.