Jinghpo ubadi景颇法规

Miwa mung suthpom pati asat tara ari jo tara nambat

中国共产党员纪律处分条例

时间:2016-12-08 17:06:30

  №. 96 Seng ang dodan tot lai nna, shawa gumhpro hte shat do sha, jahpu tso tso hte pyo chyai, hkum hkrang shalik shakyang mu galo, shing nrai shawa gumhpro hte kumhpo kumhpa mari, sa ya ai rai jang, teng tok lit la masha hte lit gun ningbo masha hpe go, masa nau n song ai rai jang, sadi ga jo shing nrai na-du sadi ga jo ai ari jo na. Masa loi song ai hpe go, pati hpung gata na aya dom la kau ya shing nrai pati n shapro kau ai yu maram ai ari jo na. Masa na-du ai hpe go, pati jahpan shapro kau ai ari jo na.

  №. 97 Seng ang dodan tot lai nna madu ko nna shabrai dodan shing nrai la-hka, jat jo gumhpro, gumhpro kumhpa majoi htuk re rai jang, teng tok lit la masha hte lit gun ningbo ni hpe go, masa nau n song ai rai jang, sadi ga jo shing nrai na-du sadi ga jo ai ari jo na. Masa loi song ai rai jang, pati hpung gata na aya dom la kau ya shing nrai pati n shapro kau ai yu maram ai ari jo na. Masa na-du ai hpe go, pati jahpan shapro kau ya ai ari jo na.

  №. 98 Lawu de na masa langai hta wa hkra jang, tengtok lit la masha hte lit gun ningbo masha hpe go, masa n song ai rai jang, sadi ga jo shing nrai na-du sadi ga jo ai ari jo na. Masa loi song ai rai jang, pati hpung gata na aya dom la kau ya shing nrai pati n shapro kau ai yu maram ai ari jo na. Masa na-du ai hpe go, pati jahpan shapro kau ai ari jo na:

  1.Shawa gumhpro hte bu hkom, shawa bungli galo hkom ai ko bu hkom pyo chyai la shing nrai shawa bungli galo hkom ai nga masu nna bu hkom ai.

  2. Jep sumru yu hkom, sharin hka-ja, sharin shapan, maram dinglik, arang bang hpaga lauban tam, hkan pya madun lom re amying gun nna shawa gumhpro hte mungdan (Jarit) shinggan de sa bu hkom ai.

  №. 99 Shawa hku nna manam hkap tau lajang dodan tot lai nna, shadang jan, shingwang gaba jan ai hku hkap tau shing nrai dai ginjang lang nna htom lu htom sha re rai yang, teng tok lit la masha hte lit gun ningbo masha ni hpe go, masa loi song ai rai jang, sadi ga jo shing nrai na-du sadi ga jo ai ari jo na. Masa na-du ai hpe go, pati hpung gata na aya dom la kau ya ai ari jo na.