Jinghpo ubadi景颇法规

Miwa mung suthpom pati asat tara ari jo tara nambat(15)

中国共产党纪律处分条例

时间:2016-06-25 20:32:46 来源:德宏团结报

  Do gaji shi Mu bungli asat tara tot lai ai hpe ari jo ai lam

  №113 Pati hpongchyom lit gun masha ni mu bungli htam galo hkrat wa ai hta lit n la shing nrai gon lajang n du rai nna, lawu de na masa langai hta wa hkra nna, pati, mungdan she mungchying sha ni a kyu ara sum gaba hkrum shangun ai rai jang, tengtok lit la masha hte lit gun ningbo masha ni hpe go, sadi ga jo shing nra na-du sadi ga jo ari jo na. Sum gaba hkrum mat shangun ai hpe go, pati hpung tara na aya dom kau ya, pati n shparo kau ai yu maram ari jo shing nrai pati jahpan shapro kau ya ai ari jo na:

  1.Pati hte mungdan ai madun tara hte dodan hparan ton ai hton shana nna hkan shatup hkrat wa shangun ai loam n nga, hkan shatup sa wa ai lam n hkan jep shadut, shing nrai pati hte mungdan ai madun tara hte dodan hparan ton ai lam shingle ai dodan chyashut la shapro ai.

  2.Madu ginra, madu rungdap, madu runghkrang hte madu dap hpung ko dan dan leng leng rai nna pati a gamung majing, lam yan majing, tara ganu majing, mahkrum madup majing, lajin majing shing nrai pati hte mungdan a madun tara hte dodan hparan ton ai hpe ninghkap ai.

  №114 Pati hpongchyom ni ja ai tara hte pati gonlajang lit n hkan sa wa shing nrai ja ai tara hte pati gon lajang shatang n du nna, na-du ai hku jahten shayom kau hkrum shing nrai na-du ai n gaja lam shabyin dat ai rai jang, teingtok lit la masha hte lit gun masha hpe go, sadi ga jo shing nrai na-du sadi ga jo ai ari jo na. Masa na-du ai hpe go, pati hpung tara na aya dom kau shing nrai pati n shapro kau ai yu maram ari jo na.

  №115 Pati hpongchyom gata hta lawu de na masa langai hta wa hkra ai lai hpe go, tengtok lit la masha hte lit gun ningbo ni hpe go, masa loi song ai rai jang, sadi ga jo shing nrai na-du sadi ga jo ari jo na. Masa na-du ai hpe go, pati hpung gata na aya doom kau ya shing nrai pati n shapro kau ai yu maram ari jo na:

  1.Pati masha ni ubadi tara ko hkan nna mara dam jo ai hkrum ai hpang, dodan ko hkan nna pati asat tara ari jo ai lam n nga, shing nrai mungdan ubadi tara tara masa tot lai ai majo, pati asat tara ari jo ra ai ni hpe ari n jo ai.

  2.Pati asat tara ari jo dodan shing nrai tara shok ai gahtap jep dodan tsun shapro ai hpang, dodan ko hkan nna ari jo hkrum masha a pati hpung shang jahpan, aya, aya atsang, la-hka re n-galo shatup hkrat wa ai.

  3. Pati masha ni pati asat tara ari jo hkrum ai hpang, ganbu gon lajang ahkang shingwang hte hpongchyom hte seng ai lam ko hkan nna ari jo hkrum pati masha hpe daru sharin, gon lajang ai hte yu tek mu n galo sa wa ai.

  №116 Bungli lit n la ai gon lajang masha gumle hprong mat wa jang, tengtok lit la masha hte lit gun ningbo ni hpe go, masa loi song ai rai jang, sadi ga jo shing nrai na-du sadi ga jo ari jo na. Masa na-du ai rai jang, pati hpung gata na aya dom kau a ari jo na.

  Bungli lit n la ai majo gon lajang masha jahprong kau dat jang, tengtok lit la masha hte lit gun ningbo masha hpe go, masa loi song ai rai jang, sadi ga jo shing nrai na-du sadi ga jo ari jo na. Masa na-du ai hpe go pati hpung gata na aya dom kau ai ari jo na.

  №117 Lahta tsang rung dap ni jep sagon, yu maram bungli shing nrai lahta tsang rungdap ni hpang de bungli tang shana, shon shana ai shaloi shon shana ra ai mu n shon shana shing nrai hkrak n shon shana rai nna, na-du ai hku jahten shayom kau hkrum shing nrai na-du ai n gaja lam shabyin dat ai rai jang, teingtok lit la masha hte lit gun masha hpe go, sadi ga jo shing nrai na-du sadi ga jo ai ari jo na. Masa na-du ai hpe go, pati hpung tara na aya dom kau shing nrai pati n shapro kau ai yu maram ari jo na.

  №118 Pati masha hte ningbo ganbu masha ni sengang dodan tot lai nna gat ya hpagi mu hkan jehpre galo lom ai rai yang, lawu de na masa langai hta wa hkra nna, n-gaja lam shapro dat ai rai yang, sadi ga jo shing nrai na-du sadi ga jo ari jo na. Masa loi song ai hpe go, pati hpung gata na aya dom kau ya shing nrai pati n shparo kau ai yu maram ari jo na. Masa na-du ai hpe go, pati jahpaan shapro kau ai ari jo na:

  1.Gogap hkam galo mu, lamu ga lang ahko ahkang yan ya, asuya ni rungrai mari, shachyan ya rungdap na akyu htam mu re lamang ni hta hkan jehpre galo lom ai.

  2.Mungdan sutgan magam dap gram sharai galo, bunghkup la, hpyak mat,sutgan ahkang dut, ja gumhpro sut rai son lajang, sut rai tau hkrau son, sut rai yan ya, yi-ngam gaba arang bang ai hte gaga ahkyak gaba hpaga mu re mu lam ni hkan jehpre galo lom ai.

  3.Myu shagu re uphkang ahkang jo ai hte ja gumhpro hkoi re mu hkan je hpre galo lom ai.

  4.Ja gumhpro gatsu mu hkan je hpre galo lom ai.

  5.Shawa ja gumhpro, sut rai hte dagu sut lang, gam, lit hkam galo, pong shapa e mu hkan jep hpre galo lom ai.