Jinghpo ubadi景颇法规

Miwa mung suthpom pati asat tara ari jo tara nambat(3)

中国共产党纪律处分条例(3)

时间:2016-06-25 19:48:09 来源:德宏团结报

  Do gaji lahkong Asat tara tot lai ai hte ari jo ai lam

  №6 Pati hpongchyom hte pati masha ni pati hpung tara hte pati gata na gaga tara masa shut shai, mungdan ubadi hte tara masa shut shai, pati hte mungdan tara shut shai, hpong shingra masa htung lai shut shai nna, pati, mungdan hte mungchying sha a ahko ahkang jahten shaza ya ai lai len hpe go, dodan ai asat tara hte lajang shing nrai ari jo ai rai yang, hkan jep yu ai no hkrum ra ai.

  №7 Pati masha ni hpe asat tara ari jo ai lam go myu lakong re:

  1. Sadi ga jo.

  2. Na-du sadi ga jo.

  3. Pati hpung gata lit ro kau ya,

  4. Pati hpung n shapro ai no yu maram.

  5.Pati hpung ko nna shapro kau.

  №8 Na-du ai hku pati asat tara shut ai pati hpongchyom lajang ai ladat go:

  1.Hpongchyom gram galai kau.

  2.Shabra kau.

  №9 Pati masha ni sadi jo ga lu la ai hpang laning mi laman hta, na-du sadi jo ga lu la ai hpang laning mi laman hta, pati hpung gata hta aya n mai rot, pati hpung shinggan de ami na lit hta tso lit n mai sharot ai.

  №10 Pati hpung gata na lit dom ari jo ai go, ari jo hkrum ai pati masha ni a pati hpung gata na ra lata shing nrai hpongchyom hku nna lit shagun ai lit dom kau ya na. Pati hpung gata hta lit lahkong a lahta de gun hpai ai rai jang, pati hpongchyom ni ari jo na dodan ai shaloi, shi a lit ma hkra dom kau ya na kun bai nna mu lit abo mi dom kau ya na kun atsom tsun shadan ra ai.Lama lit abo mi dom kau ya na hku dodan ai rai yang, shi a tso dik ai lit dom kau ya ra ai. Lama abo lahkong a lahta de na lit dom kau ya na rai yang, grau tso ai lit ko nna dom yu wa ra ai.Pati hpung shinggan de lit gun ai hpe go, pati hpung shinggan hpongchyom ni hpe dodan ko hkan nna lit dom kau ya na hku tsun dan ra ai.

  Pati hpung gata na lit dom ari jo ra ai rai yang, pati hpung gata hta hpa mu lit n-gun hpai ai rai jang, na-du sadi ga jo ai ari jo ra ai. Dai hta, pati hpung shinggan hpongchyom hta mu lit gun hpai ai rai yang, pati shinggan hpong chyom ni hpe pati hpongchyom ni hpe pati hpung shingan na mu lit dom kau ya na hku tsun dan ra ai.

  Pati hpung gana na u lit dom ari jo hkrum ra aim, shing nrai lahta de dodan hkan nna na-du sadi ga jo ari jo hkrum ai rai yang, lahkong ning laman hta pati hpung gata hte pati hpung shinggan na hpongchyom hta ami gunhpai ai mu lit hte bung ai shing nrai ami gun hpai ai mu lit hta tso ai mu lit n mai gun hpai sai.

  №11 Pati n shapro kau ai yu maram ai ari jo hkrum ai rai yang, laning mi yu maram hte lahkong ning yu maram na hku re.Pati n shapro kau ai laning mi yu maram ari jo hkrum ai pati masha ni hpe go, aten tup ai hpang pati amsha ahko ahkang gunlang na lakung lama garai n nga ai rai jang, yu maram ari jo aten laning mi bai no sharen dat ya na. Pati n shapro ai yu maram aten galu dik lahkong ning ko n mai jan lai ai.

  Pati masha ni pati n shapro kau ai yu maram hkrum ai ten laman hta, shagrin ahko ahkang, ra lata ahko hkang hte ra lata hkrum ahko ahkang n lu sai. Pati n shapro kau ai yu maram aten laman hta, gaja wa myit malai lu ai ni hpe go, aten tup ai hpang shi a pati masha ahko ahkang bai shabai ya na. Myit malai ai lam n nga shing nrai gaga pati asat tara shut nna ari jo ra ai masa pru ai ni hpe go, pati ko nna shapro kau ra sai.

  Pati masha ni pati ko nna n shapro kau ai yu maram hkrum jang, shi pati hpung gata na mu lit ni mung hprat kau ya hkrum sai. Pati hpung shingghan na mu lit gun hpai ai ni hpe go, pati hpung shinggan na hpongchyom ni hpe shi a pati hpung shinggan na mu lit dom kau ya sana hku tsun dan ra ai. Pati ko nna n shapro kau ai yu maram hkrum ai pati hpung masha ni hpe go, pati masha ahko ahkang shabai ya ai hpang lahkong ning laman hta, pati hpung gata na hte pati hpung shinggtan hpongchyom ni shagun ai ami na shi a mu lit hte bung ai shing nrai tso jan ai mu lit ni n mai gun hpai sai.

  №12.Pati masha ni pati ko nna shapro kau hkrum yang, manga ning laman hta pati hpung n mai gahtap shang ai. Pati hpung n mai gahtam shang na hku dodan ai hpa go, dodan ko hkan nna lajang ra ai.

  №13 Pati a tsang shagu mungchying sha gasa zuphpong gaba gasa ni pati n shapro kau ai yu maram a lahta de (Pati n shapro kau ai yu maram)ari jo hkrum ai ni hpe go, pati hpungchyom ko nna shi a gasa ahko ahkang dom kau ya ra ai.

  №14 Na-du ai hku pati a asat tara shut shai, madu ko nna pati hpongchyom woion rungdap n lu sharai la ai hpe go, sharai kau ya ra ai. Sharai kau shangun hkrum ai pati hpongchyom woion rungdap na rungdap masha ni go, pati hpung na mu lit dom (Pati hpung na mu lit dom kau)aya ari jo ai hta lai nna, ma hkra go shi hkrai dom kau ai hkrum sai.

  №15. Pati masha ma hkra shing nrai lo malong ni na-du ai hku pati a asat tara shut ai pati hpongchyom ni hpe go, hpung shabra kau ari jo ra ai. Shabra kau ari jo hkrum ai pati hpongchyom ko na pati masha ni hpe go, langai hte langai rai nna jep ra ai. Dai hta, pati masha lakung lama nga ai ni hpe go, tsayin ningnan ai hku hta la nna, ningnan ai hpongchyom ko shalom la nna, pati nga sat nga sa lam bai hkom shangun na. Pati hpung masha lakung lama n nga mat sai hpe go, shi hpe sharin shaga, aten gadi ton ya nna sharai la shangun na, sharin shaga n lu mat sai ni hpe go, pru mat shangun shing nrai mying hparat kau ya sana.Asat tara shut ai lam nga ai ni hpe go, dodan ko hkan nna hkan jep na.